НАН ПІСІРУ,КОНДИТЕРЛІК ЖӘНЕ МАКАРОН КӘСІПОРЫНДАРЫН ЖОБАЛАУ
2025 жылғы 4 желтоқсанда Инженерлік технологиялар факультетінің «Тағам өнімдерінің технологиясы және қауіпсіздігі» кафедрасында «Нан пісіру, кондитерлік және макарон кәсіпорындарын жобалау» пәні аясында «KAZSAT project» атты мазмұнды ашық сабақ жоғары деңгейде ұйымдастырылып, өткізілді.
Іс-шара кафедраның аға оқытушысы Исматуллаев С. және ТПРП 22-09К тобының 4-курс студенттерінің ұйымдастыруымен өтті. Сабақтың негізгі мақсаты – білім алушылардың жобалау құзыреттілігін қалыптастыру, кәсіби ойлау қабілетін дамыту және шығармашылық әлеуетін арттыру.
Ашық сабаққа 3 команда қатысып, өздерінің жобаларын таныстырды:
1-топ – “Bidai bakery”
2-топ – “Dameli”
3-топ – “Qazaq Bread”
Командалар жобаларын келесі 4 кезең бойынша қорғады:
– таныстырудың креативтілігі;
– сұрақ-жауап кезеңіндегі кәсіби біліктілік;
– жобаның мазмұндылығы мен ауқымдылығы;
– ең әсерлі әрі көңілді жарнама (реклама) кезеңі.
Әрбір кезеңде қатысушылар өздерінің теориялық білімдері мен тәжірибелік дағдыларын үйлестіре отырып, жоғары деңгейде өнер көрсетті.
Ашық сабақтың әділқазылар алқасының құрамында кафедра оқытушылары мен мамандары болды:
– б.ғ.к., кафедра меңгерушісі, профессор – Мамаева Лаура Асильбековна
– т.ғ.к., қауымдастырылған профессор – Қозықан Сабира
– PhD, аға оқытушы – Нурдан Динаш
– т.ғ.м., аға зертханашы – Қалдыбаева С.Ғ.
– магистр – Дадашова Р.Т.
– зертханашы – Қозыбай А.А.
Тартысты бәсекелестік нәтижесінде жүлделі орындар төмендегідей иеленді:
1-орын – “Qazaq Bread” командасы
2-орын – “Dameli” командасы
3-орын – “Bidai bakery” командасы
Ашық сабақ соңында қатысушылар өз әсерлерімен бөлісіп, мұндай жобалық форматтағы сабақтардың кәсіби қызығушылықты арттырып, болашақ маман ретінде қалыптасуға зор ықпал ететіндігін атап өтті.
Осындай мазмұнды әрі тиімді іс-шараны ұйымдастырғаны үшін аға оқытушы Исматуллаев С.-ке және ТПРП 22-09К тобының студенттеріне ерекше алғысымызды білдіреміз.
