Алматы қаласы әкімінің орынбасары Нүкенов А.Н.-нің төрағалығымен кеңес өтті

2025 жылғы 5 желтоқсан күні Алматы қаласында әкімнің орынбасары Нүкенов А.Н.-нің төрағалығымен жұмыс кеңесі өтті. Кеңес барысында қаланың жоғары оқу орындарының идеологиялық дамуы мен олардың қызметін жетілдіруге қатысты бірқатар маңызды мәселелер қаралды.

Жиын барысында қатысушылар білім беру ортасын жетілдірудің өзекті бағыттарын, университеттердегі тәрбие жұмысын күшейту, академиялық мәдениетті дамыту және студенттердің азаматтық жауапкершілігін арттыру шараларын талқылады. Сонымен қатар, ЖОО-лардың қалалық құрылымдармен өзара іс-қимылын күшейту, жастар бастамаларын қолдау, академиялық ұтқырлықты арттыру және білім беру үдерісіне цифрлық технологияларды интеграциялау мәселелеріне ерекше назар аударылды.

Кеңесте жастар арасындағы профилактикалық жұмысты жандандыру, университеттік ортадағы коммуникациялардың тиімділігін арттыру, студенттер үшін қауіпсіз әрі қолайлы орта қалыптастыру, сондай-ақ кураторлық жүйе мен студенттік өзін-өзі басқару институтын нығайту тетіктері де сөз болды.

Кеңес қорытындысында қатысушылар Алматы қаласының заманауи және тұрақты университеттік экожүйесін қалыптастыру үшін жоғары оқу орындары мен мемлекеттік құрылымдардың өзара ықпалдастығын арттырудың маңыздылығын атап өтті.