KazNARU «ХАЛЫҚАРАЛЫҚ ЖАЗҒЫ МЕКТЕП – 2025»: «SPORT FEST» МЕРЕКЕСІ

2025 жылдың 7 маусымы күні Қазақ ұлттық агарлық зерттеу университетінің Спорт кешенінде жазғы мектеп тыңдаушыларына арналған «SPORT FEST» атты көңілді халықаралық эстафета өткізілді.

Бұл эстафетаның мақсаты – алыс-жақын (АҚШ, Қытай, Малайзия, Германия, Польшя, Румыния, Түркия, Ресей, Грузия, Өзбекстан, Қырғызстан т.б.) шетелдерден келген тыңдаушыларды спорт арқылы біріктіріп, достық қарым-қатынас орнатып, көтеріңкі көңіл-күй сыйлау.

Эстафетаға қатысушылар:

●IT технологиясын қолдану арқылы су ресурстарын басқару;

●Орманды және жерді тұрақты басқару;

●Ауыл шаруашылығының тұрақты дамуының инженерлік технологиялары;

●Агробизнесті жаңғырту және трансформациялау,

●Табиғи ресурстар, экология және тұрақты өсімдік шаруашылығы;

●Селекция және биотехнология;

●Биологиялық қауіпсіздіктегі ветеринария ғылымы – атты салалар бойынша төмендегідей 6 команда құрады.

1. ШКТ – Қытай

2. СамАТИ – Өзбекстан

3. Достық – Қырғыстан

4. Woter – Қытай

5. Горный орел – Қырғызстан

6. Хэнам – Қытай

Эстафеталық ойындар жыламдық, ептілік, икемділік, сыни ойлау қабілеттерін көрсетуге арналған жаттығулардан құрастырылды. Қытай, Өзбекстан, Қырғызстан, Индонезия, Болгария мемлекетінен келген өкілдерге қазақтың ұлттық ойыны – асық ату спорты да ұсынылды.

Өте қызықты және тартысты өткен спорттық ойындар жазғы мектептің қатысушыларына ерекше көңіл-күй мен қуаныш сыйлады. Жеңімпаздарға университет басшылығы атынан Дипломдар мен Алғыс хаттар табыс етілді.

Өз кезегінде мұндай әсерлі жарысқа алғаш рет қатысқан шетелдік қонақтар университет басшылығына өз ризашылықтарын білдірді.

KazNARU Баспасөз қызметі