KazNARU СТУДЕНТІ ХАЛЫҚАРАЛЫҚ «МАНАС» ТУРНИРІНДЕ ЖҮЛДЕЛІ ОРЫН ИЕЛЕНДІ

Қырғызстан Республикасының астанасы – Бішкек қаласында дәстүрлі XXV Манас атындағы халықаралық турнир жоғары деңгейде өтті. Бұл дода бауырлас елдер арасындағы достықты нығайтып, жас спортшылардың тәжірибе алмасуына және шеберліктерін шыңдауға үлкен мүмкіндік берді.

Турнирге түрлі елдерден келген мықты балуандар мен спортшылар қатысып, жоғары дайындықтары мен кәсіби шеберліктерін көрсетті.

Қазақстан құрамасы да жарыста белсенділік танытып, лайықты нәтижелерге қол жеткізді. Біздің спортшылар ел намысын абыроймен қорғады.

Осы халықаралық додаға Қазақ ұлттық аграрлық зерттеу университетінің Инженерлік технологиялар факультеті, «Аграрлық техника және технологиялар» білім беру бағдарламасының 2-курс студенті – Мұратқажы Бексұлтан қатысып, үздік өнер көрсетіп, жүлделі III орынға ие болды! 

Бұл тек жеке спорттық жетістік емес, сонымен бірге факультетіміз бен университетіміздің мәртебесін асқақтатқан қуанышты жаңалық. Бексұлтанның табандылығы мен еңбекқорлығы жас спортшыларға үлгі.

Бексұлтанды шын жүректен құттықтаймыз! Алдағы жарыстарда тек биік белестерді бағындырсын!