«Орталық Азиядағы климатқа төзімді дақылдарды селекциялау әлеуеті бар жеміс-жидек генетикалық ресурстарын бірлесіп зерттеу және тиімді пайдалану негіздерін қалыптастыру – KLINU» тақырыбында халықаралық ғылыми-практикалық конференция

KLINU ХАЛЫҚАРАЛЫҚ ҒЫЛЫМИ-ПРАКТИКАЛЫҚ КОНФЕРЕНЦИЯСЫ

2026 жылғы 1 желтоқсанда Қазақ ұлттық аграрлық зерттеу университеті (KazNARU) «Орталық Азиядағы климатқа төзімді дақылдарды селекциялау әлеуеті бар жеміс-жидек генетикалық ресурстарын бірлесіп зерттеу және тиімді пайдалану негіздерін қалыптастыру – KLINU» тақырыбында халықаралық ғылыми-практикалық конференция өткізеді.

Конференцияның мақсаты – жеміс-жидек дақылдарының генетикалық ресурстарын сақтау, бірлесіп зерттеу және орнықты пайдалану саласында Қазақстан, Германия және Орталық Азия елдері арасындағы халықаралық ғылыми ынтымақтастықты нығайту. Климаттың өзгеруіне төзімді дақылдарды дамытуға және өсімдіктер селекциясының инновациялық тәсілдерін енгізуге ерекше назар аударылады.

Негізгі тақырыптық бағыттар:

• Климаттың өзгеруі және биоалуантүрліліктің азаюы жағдайында жеміс-жидек дақылдарының селекциясы саласындағы ғылыми зерттеулердің өзекті мәселелері.
• Климаттың өзгеруіне байланысты ландшафттық экология және жерді пайдалануды жоспарлау салаларындағы өзекті мәселелер.
• Халықаралық ғылыми ынтымақтастықтың тиімділігін арттырудың негізі ретінде білім трансфері және ғылыми-зерттеу желілерін дамыту.

Конференция аясында Орталық Азия–Герман биоалуантүрлілікті сақтау және экожүйелік қызметтер институты (CaGEB) мен Қазақ-Герман экожүйелер мен биоалуантүрлілікті қорғау институтының (KaGEB) жаңа мүшелерімен өзара түсіністік туралы меморандумдарға қол қою рәсімі өтеді.

Өтетін орны: Қазақстан Республикасының Ұлттық ғылым академиясы, Шевченко көшесі, 28, Алматы қаласы, 050010, Қазақстан Республикасы.

Байланыс тұлғасы: Дани Сәрсекова – Қазақ-Герман экожүйелер мен биоалуантүрлілікті қорғау институтының (KaGEB) директоры.

Электрондық пошта: sarsekova.dani@kaznaru.edu.kz

Конференцияға тіркелу